Panoorin ang Ang Dating Daan Live nang libre kahit nasaang panig ka ng daigdig para sa mga kasagutang biblikal sa pamamagitan ni Brother Eli Soriano at Brother Daniel Razon. Maaari rin pong tingnan ang mga social media account at YouTube channels ng programa para sa iba pang ongoing live stream.
Bubuksan ngayong Lunes, Oktubre 11, ang panibagong sesyon ng Mass Indoctrination at malugod na nag-iimbita ang Members Church of God International sa pangunguna ni Kapatid na Daniel Razon.
Kilalang matapang at walang inuurungan pagdating sa paghahayag ng mga katuwiran sa Biblia at ng mga maling doktrina ng iba’t ibang relihiyon, ang award-winning International Evangelist na si Bro. Eli Soriano ang pangunahing host ng programang Ang Dating Daan.
Sa apat na dekadang walang humpay at masikhay na pangangaral ng mga salita ng Dios, si Bro. Eli ang mangangaral na pinakamatagal nang nangangaral sa radyo at telebisyon sa Pilipinas.
Sa kanyang paraan ng pangangaral, na kaiba sa kanino mang pastor sa panahong ito, isa sa dalawang ito ang karaniwang nagiging damdamin ng tao kapag siya ay naririnig: minamahal siya, o, kinaiinisan siya.
Beterano sa larangan ng pagbo-brodkast, si Bro. Daniel Razon ang pangunahing katulong ni Bro. Eli sa pagtataguyod ng Ang Dating Daan. Siya ang naging kauna-unahang direktor ng programa samantalang siya ay nasa high school pa lamang. Naging inspirasyon sa kanya si Bro. Eli at ang programa upang maging isang brodkaster.
Tinitingalang pangalan ngayon sa larangan ng pamamahayag at serbisyo publiko sa Pilipinas, si Bro. Daniel ang pinakabatang tumanggap ng prestihiyosong Lifetime Achievement Award ng Kapisanan ng mga Brodkaster ng Pilipinas.
